تكنولوجيا الصناعات الدوائية
عشان دلوقتى احنا فى عصر التحول الرقمى ف كان لازم التحول الرقمى و التكنولوجيا الرقمية يكون ليهم بصمة فى مجال الصيدلة و صناعة الأدوية .
تخصص تكنولوجيا الصناعات الدوائية واحد من أهم التخصصات اللى بتوفرهالك جامعة العقبة.
فى المقالة دى هتعرف كل حاجه محتاج تعرفها عن تخصص تكنولوجيا الصناعات الدوائية و ايه هى المقررات المحتملة و ليه مهم تدرس التخصص ده و ايه هى شروط الألتحاق بالتخصص.
يعنى ايه تكنولوجيا الصناعات الدوائية
تكنولوجيا الصناعات الدوائية هو تخصص بيهتم بدراسة صناعة الأدوية و المستحضرات الكيميائية و تطويرها و التخصص ده بيهدف إلى تأهيل الطلاب بشكل كامل لمواكبة سوق العمل و اتمام عمليات التصميم و التصنيع الدوائى وفقا لأعلى معايير الجودة و السلامة
و ده عن طريق إضافة البصمة الرقمية فى مجال صناعة الأدوية و تطويرها بشكل أفضل و تطوير الأبحاث الدوائية و تحسين عملية التفاعلات الكيميائية و زيادة التحكم فى رقابة الجودة فى الصناعات الدوائية.
المقررات الدراسية الخاصة بالتخصص
في التخصص ده هتدرس كل فروع علم الكيمياء زي الكيمياء العامة و الكيمياء العضوية و الكيمياء التحليلية و كيمياء الصيدلية و غيرها
و كمان بيركز بشكل اكتر علي علوم الصيدلة التكنولوجية زي ال pharmacy technology و صيدلة الجرعات و كمان دراسة أنظمة الجودة و المعايير الصيدلانية ،
أتمتة صناعة الأدوية pharmacy production automation و فهم طبيعة التفاعلات بين المواد الفعاله المختلفه و علوم الأحياء اللى بتشمل دراسة بنية ووظائف الكائنات الحية والعمليات الحيوية وعلوم الوراثة بأشكالها وعلم المناعة .
و ده اللي بيساعد في تسهيل و تطوير عمليات صناعة الأدوية و التركيبات الصيدلانية مع أضافة البصمة الرقمية.
ليه مهم تدرس تخصص تكنولوجيا الصناعات الدوائية
مجال التخصص ده مطلوب بقوة في سوق العمل الخليجي و الأوروبي ،
و كمان بدأ الاحتياج ليه يزيد في السوق العالمي و بكدا يكون الطلب عليه فى سوق العمل زاد بشكل عام .
عشان كدا مهم تدرس تخصص تكنولوجيا الصناعات الدوائية و يكون ليك دور فعال فى الحفاظ على صحة و سلامة الانسان.
التخصص ده ساهم بشكل كبير فى تقدم وسائل الطب و الصيدلة واللى منها قدر يكتشف علاجات جديدة و فعالة و يساهم في تطوير أدوية والعلاجات الجديدة للأمراض المزمنة
و قدر كمان يحسن من فعالية الأدوية و التحسين من المواد الفعالة و تطويرها و التقليل من الاثار الجانبية للأدوية.
غير الوظائف و الفرص المتاحة داخل التخصص و أهمية التخصص دراسيا كمان انت هتقدر تؤثر بشكل كبير فى الحفاظ على صحة و سلامة الانسان من خلال تطوير الأدوية و اكتشاف علاجات جديدة وتحسين فعالية الأدوية الموجودة
و اللى منها هتقدر تحسن من حياة المرضى و تديلهم أمل جديد للشفاء من أمراضهم او التعايش بشكل ايجابى مع الأمراض المزمنة دون التأثير عليهم فى الحياة اليومية .
شروط الألتحاق بالتخصص فى جامعة العقبة
الحد الأدني للقبول في التخصص في جامعة العقبة 55% .
باختصار لو كنت بتحلم بدراسة الصيدلة و ان يكون ليك دور فعال و مهم فى الحفاظ على صحة و سلامة الأنسان
وعايز تعرف توجهات المستقبل فى علوم صناعة الأدوية و ازاى التكنولوجيا بتطور من علم صناعة الأدوية يبقى تخصص تكنولوجيا الصناعات الدوائية اختيار مثالى ليك .
ولو عايز تعرف اكتر عن جامعة العقبة والتخصصات الموجودة تقدر تقرأ الـ blog دي او تزور صفحتنا علي الفيسبوك
جامعة العقبة للتكنولوجيا …. طريقك نحو مستقبلٍ مضمون