ابدأ طريقك فى مجال الهندسة

المجال الهندسي هو العمود الفقري اللى بيقوم عليه كل التقدم الحضاري والتطور التكنولوجي وهو من اكتر المجالات المطلوبة في سوق العمل دايما و لكل طالب نفسه يطلع مهندس و يحقق حلمه فى مجال الهندسة يبقى جامعة العقبة هي اختيارك المناسب .
في المقالة دى هقولك ايه هي أبرز تخصصات الهندسة في جامعة العقبة.

كليات الهندسة فى جامعة العقبة

1- هندسة عمارة

هندسة العمارة هي تخصص مميز موجود من زمان وهو اللى بيجمع بين الإبداع الفني والتفكير الهندسي عشان ف الأخر يتبنى معمار هندسيا مظبوط وعليه لمسة من الإبداع.
والمهندس المعماري هو فنان وعالم بيحول الرسومات الهندسية إلى أرض واقع وده بيتطلب عدة مراحل زى التصميم و التخطيط و بعدين بندخل فى مرحلة التشغيل و البناء و كمان فى مرحلة الترميم و كل دول أدوار بيقوم بيها المهندس المعمارى.

2- هندسة مدنية

الهندسة المدنية هي واحدة من أهم وأشمل فروع الهندسة لكونها بتهتم بعمليات البناء والتشييد للجسور والكباري والطرق والمطارات وأنظمة المياه والصرف الصحي والمباني الضخمة والسدود وجميع المباني التي تساعد في رفع مستوى المعيشة للمجتمع والإنسان.
وهي بتختص بالتخطيط والبناء لجميع الإنشاءات المدنية المختلفة و فيها بتدرس تصميم و تخطيط و بناء و تشييد و بتعرف يعنى ايه بنية تحتية و ازاى بيتم تأسيس و تمهيد الطرق والكبارى والجسور وغيرهم.

3- هندسة الطاقة المتجددة و صيانتها

هندسة الطاقة المتجددة أو ما يسمى بالتخصص المستدام و هو مجال هندسي متخصص بدراسة وتصميم وتطوير وتشغيل وصيانة الأنظمة اللى بتولد الطاقة من مصادر طبيعية متجددة زى الشمس والرياح والماء والحرارة الأرضية وغيرهم من مصادر الطاقة النظيفة.
و فى 2024 المجال ده أهميته زادت في ظل كل التحديات البيئية اللى بنواجهها وضرورة تحويل كل مصادر الطاقة الغير نظيفة إلى مصادر طاقة نظيفة ومستدامة تساعد فى تحقيق أهداف التنمية المستدامة للبيئة والحفاظ عليها.

4- هندسة المركبات الكهربائية والهجينة

هندسة المركبات الكهربائية والهجينة هو مجال هندسي حديث بيركز على تصميم وتطوير وصيانة المركبات التي تعمل بالطاقة الكهربائية بالكامل أو بجزء منها و دى اللي بتتسمى (الهجينة).
والمجال ده بيمثل طفرة قادمة في صناعة السيارات، وده عشان المجال بيسعى لتقديم حلول صديقة للبيئة ومستدامة لمواجهة تحديات التلوث وتغير المناخ بسبب عوادم السيارات الغير نظيفة واللى بتسبب بشكل أساسى مشاكل المناخ الحالية.

5- هندسة البرمجيات

هندسة البرمجيات هي المجال اللى بيهتم بدراسة تصميم وتطوير وبناء وصيانة البرامج الحاسوبية وبرامج الموبايل.
و كتير فاكر ان هى مجرد كتابة أكواد ولكن هي عملية هندسية ضخمة منظمة و تعتمد على مجموعة من المبادئ والأسس عشان تضمن إنتاج برامج عالية الجودة وكفاءة لتلبية احتياجات المستخدمين و الإقبال على مجال هندسة البرمجيات زاد فى السنوات الأخيرة.

6- تكنولوجيا الطاقة المتجددة

تكنولوجيا الطاقة المتجددة هو مجال علمي وهندسي بيهتم بدراسة وتطوير وتحويل المصادر الطبيعية المتجددة مثل الشمس والرياح والماء والحرارة الأرضية إلى طاقة قابلة للاستخدام تكنولوجيا بشكل نظيف وغير ضار للبيئة.

7- الذكاء الاصطناعى

الذكاء الاصطناعي واحد من أهم وأحدث المجالات العلمية والهندسية واللى بتتعامل فيها مع تصميم وتطوير أنظمة وبرامج قادرة على محاكاة العقول البشرية والمجال ده بيشهد نمو مستمر وهائل في السنوات الأخيرة وبيتوقع الجميع أنه لديه مستقبل واعد في تغيير العديد من جوانب حياتنا وتسهيلها بشكل فعال.
شروط الالتحاق بتخصصات الهندسة في جامعة العقبة

يشترط في كل التخصصات أن يكون الطالب من الشعبة العلمية (علمي علوم – علمي رياضة – ازهري عملي ( رياضة – علوم ) – دبلوم فني صناعي) و الحد الأدنى للقبول فى تخصصات (هندسة العمارة – الهندسة المدنية – هندسة الطاقة المتجددة و صيانتها – هندسة المركبات الكهربائية والهجينة) هو 65% أما الحد الأدنى للقبول فى تخصصات (هندسة البرمجيات – تكنولوجيا الطاقة المتجددة – الذكاء الاصطناعى) هو 50%

وبكدا انت عرفت معلومات بسيطة عن تخصصات الهندسة في جامعة العقبة وشروط الالتحاق بيهم ولو شايف نفسك مهندس و حابب مجال الهندسة يبقى اختيارك لجامعة العقبة هو المناسب ليك.

ولو عايز تعرف اكتر عن جامعة العقبة والتخصصات الموجودة تقدر تقرأ الـ blog دي او تزور صفحتنا علي الفيسبوك

جامعة العقبة للتكنولوجيا …. طريقك نحو مستقبلٍ مضمون